Monte di Zogno: una tranquilla passeggiata pasquale
Pasqua
Töcc i l’à ést in crùs
ol nòs Signùr a mör
e quàndo che Longìno
al g’à spacàt ol cör!
Chi mài, dopo tri dé,
l’avrés amò pensàt
de vèdel a turnà
indré resüscitàt ?
Compàgn che l’s’ìa fàcc vèt
söl Tàbor, lüminùs,
però con töcc i piàghe
dei ciócc de la sò crùs!
L’è Pasqua per chi crèt
che Cristo l’è amò vìf
e l’völ salvà sto mónt
con töcc chi bù e i catìf!
L’è pròpe’n primaéra,
quando i fiorés i röse,
che tùrna amò la Pasqua
a liberàm dai cröse!
Intàt al rìa po’a’l sùl
co la sò prìma ögiàda
a illüminà la vàl
che ll’ìa desmentegàda!
Se l’tùrna piö la Pasqua
ol mónt al g’à de mör
perché l’se fermerés
de cùlp a töcc ol cör !
Don Giulio Gabanelli
Vista dalla Via Campelmè
